Агац багийн нутагт орших Сантхаан уул нь эрт дээр үеэс нутгийн зон олон тахидаг тахилгатай уул юм. Чингис хааны адуун сүргийн эрмэг цагаагч гүүнээс эр хоёр загал унага төрсөн тухай нутгийн иргэдийн дунд хууч яриа байдаг. Сантхаан овооны дэргэд унагалсан гүүний унага хурдтайг Монгол даяараа бахархан ярьж, халх даяар алдартай морь сонирхогч уяачид ирж агт морьдоо даатгадаг байна. Энэ нутаг усанд хоёр адууны сүнс оршин байдаг тухай үе үеийн адууны хорхойтнууд хуучилдаг байна.